Маё меркаванне

Маё меркаванне

Юлія ЗЯНЕВІЧ, першы сакратар райкама Беларускага рэспубліканскага  саюза моладзі:

– Як чалавек з актыўнай жыццёвай пазіцыяй сачу за падзеямі ў нашай краіне, выбарамі кіраўніка дзяржавы, у Палату прадстаўнікоў, у мясцовыя Саветы дэпутатаў.

Бачу, што моладзь сёння прагматычная, разумее, што не працуючы немагчыма дасягнуць добрых вынікаў. Маладыя людзі імкнуцца пастаянна ўдасканальвацца, агучваюць розныя ідэі, спрабуюць іх рэалізаваць. І наш Саюз – выдатная для гэтага пляцоўка. Напрыклад, праект “Адкрыты дыялог” стаў не проста рухам, а формай выхавання маладога пакалення. Такую характарыстыку праекту даў першы сакратар ЦК БРСМ Андрэй Белякоў. А яшчэ “Адкрыты дыялог” – добрая магчымасць для кандыдатаў у дэпутаты расказаць пра свае праграмы, выслухаць праблемы і прапановы ад выбаршчыкаў.

Напярэдадні парламенцкіх выбараў галоўная тэма “Адкрытага дыялогу” – моладзь і палітыка. Праведзена сацыялагічнае даследаванне. Яго вынікі паказалі, што 64 % рэспандэнтаў цікавяцца палітыкай, каля 40 % сочаць за палітычнымі навінамі краіны і свету. На пытанне “Ці будзеце галасаваць?” больш як 80 % адказалі станоўча.

Чаго я чакаю ад выбараў? Стабільнасці і ўпэўненасці ў заўтрашнім дні. Мяне хвалююць пытанні фарміравання здаровага ладу жыцця, занятасці моладзі, маральных каштоўнасцяў, якія заснаваны на нацыянальных традыцыях і культуры. 

З дзяцінства хадзіла на выбарчыя ўчасткі з бацькамі, якія адносіліся адказна да выканання свайго грамадзянскага абавязку. Гэтаму вучылі і мяне. Таму 11 верасня я таксама аддам свой голас за кандыдата, якога палічу дастойным. І ад нас, маладых, залежыць будучае нашай краіны.

 

Оцените материал
(0 голосов)
Прочитано 3505 раз

Дополнительная информация

Официальный сайт Минской областной организации ОО «БРСМ» © 2008-2019 Интернет-портал «Молодёжь минщины». Все права защишены.

Интернет-премия «Тибо-2010» Лауреат Интернет-премии «ТИБО-2010»
Интернет-премия «Тибо-2019» Лауреат Интернет-премии «ТИБО-2019»
Интернет-премия «БРСМ-2019» Победитель Интернет-премии «БРСМ-2019»